WAZIRI MKUU MAJALIWA ATUA TENA ARUSHA, KUZINDUA TUZO ZA UTALII

 WAZIRI MKUU MAJALIWA ZIARANI ARUSHA, KUZINDUA TUZO ZA UTALII DEC. 20, 2024.

By Ngilisho Tv

Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa akiwasili kwenye Uwanja wa Ndege wa Kimataifa wa Kilimanjaro KIA na kupokelewa na Mkuu wa Mkoa wa Arusha Mhe. Paul Christian Makonda na Mkuu wa Mkoa wa Kilimanjaro Mhe. Nurdin Babu ambapo leo Ijumaa Disemba 20, 2024, Mhe. Waziri Mkuu anatarajiwa kuzindua tuzo ya kwanza ya uhifadhi na utalii nchini.

Uzinduzi wa tuzo hizo zilizoandaliwa na Wizara ya Maliasili na Utalii unafanyika Kwenye Hoteli ya Mount Meru, tuzo hizo zikilenga kutambua mchango wa watu na Taasisi binafsi zilizochangia mafanikio ya sekta hiyo muhimu kwa uchumi wa Arusha na Tanzania kwa Ujumla.