KATIBU WA CCM AUAWA KWA KUPIGWA RISASI NYUMBANI KWAKE!

By Ngilisho Tv -KILOLO

Kamanda wa Jeshi la polisi Mkoa wa Iringa SACP Allan Bukumbi amethibitisha kifo cha katibu wa Chama Cha Mapinduzi (CCM) wilaya ya Kilolo Bi Christian Nindi (56) ambaye alifariki dunia akiwa anapatiwa matibabu katika Hospitali ya Tosamaganga baada ya kushambuliwa kwa kupigwa risasi kifuani pamoja na kupigwa na kitu kizito kichwani na watu wasiofahamika akiwa nyumbani kwake kitongoji cha Banawanu, Kijiji cha Ugwachanya Kata ya Mseke.

Marehemu Christine enzi za uhai wake!

Kamanda Bukumbi amesema kuwa Uchunguzi wa awali tukio hilo lililotokea Usiku wa Kuamkia leo Novemba 13, 2024 unaonesha kuwa marehemu alivamiwa na vijana watatu wasiofahamika katika nyumba anayoishi na binti zake wawili.

Pia watu hao walimshambulia binti mmoja wa marehemu na kumjeruhi usoni pamoja na jirani yake ambaye naye ameumizwa eneo la ubavu wa kushoto kwa kupigwa na kitu butu alipokwenda kutoa msaada baada ya kusikia kelele kutoka kwa binti wa marehemu.