TAZAMA PICHA 10 GARI LAPARAMIA MGHAHAWA WA CAFE LA ZAYN NI BAADA YA DEREVA WA GARI HILO KUNYIMWA SUKARI ,WATEJA WATIMUA MBIO BAADHI WATERUHIWA VITUMBUA VYAZAGAA ,

Na Joseph Ngilisho ARUSHA 

TAHARUKI imewakumba wateja katika mgahawa maarufu wa CAFE LA ZAYN jijini ARUSHA, baada ya gari  kuparamia  mghahawa huo wakinywa chai  na  kufanya uharibifu mkubwa huku baadhi ya wateja wakijeruhiwa kwa kukatwa na vioo.

Tukio hilo lakushtua limetokea mapema leo jumamosi Agosti 19,mwaka huu, katika mghahawa huo uliopo eneo maarufu la ROUND ABOUT ya Florida , majira ya asubuhi wakati gari hilo aina yaToyota  LAND CRUISER lenye namba T 244 CML kuparamia mgahawa huo wakati wateja wakiendelea kunywa chai na kuwalazimu kutimua mbio kwa lengo la kujinusuru huku baadhi yao kujeruhiwa na kukimbizwa hospitali .

Baadhi ya shuhuda wamedai kwamba dereva wa gari hilo ambaye hakufahamika mara moja jina lake alikuwa akinywa chai katika mghahawa huo na aliomba kupatiwa sukari, lakini ghafla alitoweka na kwenda kwenye  gari hilo .

Walisema dereva huyo aliingia kwenye gari na kuliondoa kwa kasi akirudi nyuma na kugonga gari jingine lililokuwa linapita barabarani ,baadaye alianza kuondoka kwa kasi kwenda mbele ndipo gari yake ilipoingia katika mghahawa huo kwa kasi .

Miongoni mwa uharibifu uliotokea ni pamoja na  kuvunja mlango mkubwa wa kioo ,kuvunja meza na viti ,vikombe pamoja na vitafunio kusambaratika na wateja kuondoka  bila kulipa.

Polisi walifika eneo la tukio na kuliondoa gari hilo kwa kuvutwa hadi kituo cha polisi pamoja na dereva wa gari hilo huku uongozi wa mghahawa huo ukiwa bado unafanya tathimini ya hasara iliyojitokeza

 .

Ends..