TAZAMA PICHA APOTEZA MAISHA KWA KUKWEPA KIFO,WENGINE WAJERUHIWA

Na Joseph Ngilisho ARUSHA 

Mtu moja  aliyetambulika kwa jina moja la utani la BAUU amefariki dunia na wengine watatu kujeruhiwa baada ya gari walilokuwa wamepanda kufeli breki na kuanguka katika uwanja wa mpira wa shule ya msingi Elerai jijini Arusha.

Kwa mujibu wa mashuhuda wa tukio hilo, marehemu alikumbwa na mauti kwa kukanyagwa na gari hilo lililokuwa limepakia matofari  wakati akijaribu kuruka kwa lengo la  kujinusuru baada ya dereva wa gari kulielekeza pembeni ili kuepusha madhara zaidi .

Tukio hilo limetoka jana majira ya saa 9 alasiri katika barabara ya majengo sakoni eneo la shule ya msingi Elerai  ,wakati Lori hilo aina ya ISUZU injections lenye namba T155 AKF  likitokea Kimandolu kuelekea Burka likiwa limepakia matofari yapatayo 300.

Akiongelea tukio hilo mmoja ya majeruhi aliyekuwa katika Lori hilo,Musa Godlizen alisema yeye na wenzake pamoja na dereva walikuwa watano na wakitoka kupakia matofari eneo la Kimandolu na walipofika katika eneo la tukio  gari hilo  lilikataa breki na ndipo  walipomshauri dereva  kulielekeza kwenye kingi xa barabara ili yasitikee nadhara zaidi.

Alisema kuwa wakati dereva huyo ambaye hakifahamika jina lake mara moja akijaribu kulielekeza pembeni  ndipo  ghafla marehemu alifungua mlango na kuruka nje kwa lengo la kujinusuru na alipotua chini alikanyagwa na tairi za gari hilo na kupoteza maisha.

"Ndani ya Gari tulikuwa watano pamoja na dereva tukitokea Kimandolu kupakia matofari na tulipofika eneo la shule ya msingi Elerai katika mteremko wa kuelekea  majengo Sakoni gari lilikataa kushika breki na kuanza kuteremka kwa kasi ndipo nilipomshauri dereva kulielekeza pembeni ya barabara ndipo mwenzetu ambaye ni marehemu alipofungua mlango ghafla na kuruka"alisema Godlizen 

Mashuhuda wengine wa tukio hilo, Ramadhani Mganda na Charles ama Rasta ambao ni Madereva Bodboda wa eneo hilo walisema ,wakiwa eneo la tukio ghafla waliona gari hilo likiteremka kwa kasi na kuvuka mtaro wa barabari na kuingia katika uwanja wa mpira wa shule hiyo na kuanguka wakati wanafunzo wengi wa shule ya Elerai wakicheza mpira lakini walinusurika kwa kutimua mbio.

Hata hivyo polisi walifika eneo la tukio na kuchukua mwili wa marehemu kwa ajili ya uchunguzi wa tukio hilo na dereva wa gari hilo hakuweza kupatikana mara moja baada ya kutoweka muda mfupi wa tukio hilo.

Ends .