ABAKWA NA WANAUME WATATU AKIWAZUIA WASINGIZE NG'OMBE ENEO LA MALISHO YA FAMILIA
By Ngilisho Tv-MONDULI
Mwanamke mmoja jina limehifadhiwa amebakwa na wanaume watatu katika kitongoji cha EmugurNanyookie kijiji cha Lendikinya Kata ya Sepeko Wilaya ya Monduli baada ya kuzuia wanaume hao wasingize mifugo katika eneo la malisho ya familia.
Akizungumza mwanamke huyo ambaye amefanyiwa kitendo hicho amesema kuwa amewatambua wanaume hao kuwa ni Daniel Barnaba, Kimaat Mario na Kalai Terengo wote wakazi wa eneo hilo.
Amesema baada ya tukio hilo alimpigia mumewe ambaye ni Loserian Laizer akaenda kufungua kesi katika kituo cha polisi Monduli na kupewa PF3 kwa ajili ya matibabu na kufungua kesi na kupewa RB lakini mpaka sasa watuhumiwa hao hawajakamatwa.
Akizungumza kwa njia ya simu Bwana Loserian amesema kuwa cha kushangaza baada ya kutoa taarifa ya mkewe kubakwa leo akiwa mjini Arusha akapigiwa simu askari polisi kwamba wako nyumbani kwake kijijini Lendikinya kuwa anatafutwa na amefunguliwa kesi ambayo mpaka sasa haijajulikana.
Imelezwa kuwa miongoni mwa waliofanya tukio hilo ni ndugu ambaye ni shemeji wa mwenyekiti wa Kijiji na wakati polisi wanamtafuta Loserian walikuwa na mtuhumiwa Daniel Pamoja na Gari ya Ndugu yake jambo ambalo linatia mashaka juu ya kuminywa kwa haki ya mwanamke huyo aliyebakwa na wanaume hao watatu.
0 Comments