Na Joseph Ngilisho ARUSHA
Wakati Migomo ya wafanyabiashara kufunga maduka ikirindima katika majiji makubwa hapa nchini ikianziwa na Dar ,Mbeya na Mwanza ,mgomo kama huo umetua Jijini Arusha Ambapo wafanyabiashara hao wametikisa kwa kugoma kufungua maduka mapema leo wakilia na TRA.
Wafanyabiashara hao eneo la mjini kati jijini Arusha wamefanya mgomo na kufunga maduka yao wakiwa na madai mbalimbali ambayo hata hivyo bado hayajafahamika.
Jana majira ya jioni wafanyabiashara hao walionekana wakihamasishana kwa kusambaza vipeperushi kupitia vijana wasiofahamika waliokuwa wakivigawa kwenye maduka hayo ya wafanyabiashara.
Kufungwa kwa maduka hayo katika jiji la Arusha ni mwendelezo unaoambukizana ambapo mgomo wa wafanyabiashara katika Soko la Kariakoo Jijini Dar Es salaam, walianzisha mwendo na kufuatia wafanyabiashara wa Mjini Mbeya ,Mwanza na Leo ni zamu ya Arusha.
Jitihada za kuwapata viongozi wa wafanyabiashara hao ili kujua sababu za msingi za wao kufunga maduka bado hazija fanikiwa baada ya kutopatikana kwenye simu zao za mkononi
0 Comments