By Ngilisho Tv live
Wakati halmashauri Kuu ya CCM Taifa ikiketi leo mjini Dodoma, katika kikao chake cha kujadili masuala mbalimbali ndani ya chama hicho ikiwemo uteuzi wa nafasi mbili muhimu zilizoachwa wazi ndani ya chama hicho ,jina la Lengai Ole Sabaya limeonekana kunga'ra zaidi baada ya wanaccm walio wengi kuonesha imani naye katika nafasi ya katibu itikadi na uendezi Taifa.
Wengine wanaotajwa katika nafasi hiyo lakini hawapewi nafasi kubwa ni pamoja na Ally Happy na Antony Mtaka.
Awali nafasi ya katibu wa itikadi na uenezi Taifa ilishikiliwa na Paulo Makonda ambaye amedumu kwa miezi mitano na hivi karibuni aliteuliwa kuwa Mkuu wa Mkoa wa Arusha, huku aliyekuwa naibu katibu mkuu ccm Taifa,Eliamringi Macha akiteuliwa kuwa RC Shinyanga na nafasi hiyo kubaki wazi.
Baadhi ya wanachama wa ccm waliohojiwa kuhusiana na nafasi hiyo wengi wao wameonesha kuwa na imani na Sabaya wakidai kuwa anauwezo na ushawishi mkubwa wa kisiasa na iwapo chama kitampa wadhifa huo kitakuwa kimelamba dume.
Nafasi zingine ambayo halmashauri kuu inatarajiwa kuiziba ni ya naibu katibu Mkuu ccm,ambapo aliyekuwa mkuu wa mkoa wa Arusha John Mongela na Amos Makala ni miongoni mwa viongozi wenye upeo mkubwa wa uongozi wanaotajwa.
Ends..
0 Comments