MASHIRIKA MATANO YATOA TAMKO ZITO NI KUHUSU MGOGORO NGORONGORO..MISHENI YA UNESCO YAPINGWA VIBAYA

Na Joseph Ngilisho ARUSHA 

Mashirika Matano  yasiyokuwa ya kiserikali  Mkoani Arusha  yatoa tamko zito la kupinga Misheni ya UNESCO  kufuatilia eneo la uhifadhi la Ngorongoro  yakidai kuwa haliwezi kutoa matokeo huru na haki kwa jamii ya wamasai walioathiriwa na janga hilo.

Aidha wametoa maombi ya pamoja ya kutaka Ngorongoro iondolewe katika eneo la Urithi wa Dunia iwapo usajili wake utashindwa kuendana na ulinzi wa haki za binadamu kwa wakazi wa eneo hilo.

Akisoma tamko hilo kwa niaba ya mashirika hayo Mkurugenzi wa Shirika la  CILAO ,Odero Odero alisema mashirika hayo kwa pamoja yanaitaka UNESCO kusitisha Misheni yake ya ufuatiliaji katika eneo la uhifadhi la Ngorongoro ambapo tamko hilo lilidai kutokuwepo na matokeo  huru na halali.

"Tunaita UNESCO, IUCN na ICOMOS kusitisha misheni hii ambayo haiwezi kutoa matokeo huru na halali kwani haikuweza kusikia wamiliki wa haki na Jamii za Maasai zilizoathiriwa katika Eneo la Ngorongoro na Msomera"alisema Odero 

Alisema Misheni hiyo ya kufuatilia eneo hilo la Ngorongoro ilianza kwa Siri  ambapo ilifika nchini Februari 3, 2024 na ilitarajiwa kukamilika Februari 9, 2024 ambapo ilihamasishwa na shinikizo kutokana na kilio Cha wamasai na mashirika ya haki za binadamu  na ardhi za wakazi wa Maasai katika vijiji 25 vilivyosajiliwa  kihalali.

Katika tamko hilo inadaiwa kuwa  Misheni hiyo ilifanya Mkutano katika Ofisi ya kamishna wa mkoa wa Arusha kikiongozwa na Waziri wa Maliasili na Utalii Angellah  Kairuki na baadaye kukutana na wadau wanaopigania kuhamishwa Kwa nguvu ya Maasai  kutoka ardhi Yao ya kiasili  Ili kupisha Utalii.

"Serikali imejaribu mara Kwa mara kuwahamisha Maasai kutoka NCA  mwaka 2021 ilianza kwa hiari Jamii kutoka eneo hilo kwenda kijiji Cha Msomera .

Alisema Msomera ni kijiji kilichosajiliwa kihalali kilichoishi Kwa kiasi kikubwa  na wafugaji wa Maasai katika Wilaya ya Handeni ya mkoa wa Tanga umbali wa kilomita 500 kutoka Ngorongoro, ila Maasai wa Msomera hawakutoa idhini Kwa uhamishaji huu ambao unawafukuza" alisema

Odero aliituhumu serikali kwa uvunjaji wa haki za binadamu na ardhi kwa wananchi wa  Ngorongoro .Alisema Februari 6 mwaka huu Zaidi ya madiwani 20 ,wenyeviti wa vijiji na viongozi wa wanawake kutoka Ngorongoro walimwandikia UNESCO na wizara ya Maliasili kueleza kutoridhika kwao na mwenendo wa suala hilo.

Ends.