KANISA KATOLIKI LA MOYO SAFI LATIKISA NDOA KIBAO ZAFUNGWA WATOTO MAMIA WABATIZWA,PAROKO ATOA MIEZI MITATU NDOA ZIJIBU KWA KUNASA UJAUZITO

Na Joseph Ngilisho ARUSHA 

Katika kusherehekea Sikukuu ya kuzaliwa kwake yesu kristu ,(Krismas) kanisa katoliki la Moyo safi wa bikra Maria, lililopo Ungalimited jijini Arusha,limefungisha ndoa  15 kwa mkupuo mmoja ,huku paroko wa kanisa hilo,padri festus Mangwangi akiwapa miezi 3 wanandoa hao, kuhakikisha ndoa zao zinajibu  kwa kupata ujauzito.

Aidha kanisa hilo pia limebatiza watoto wachanga wapatao 70 ikiwa ni ishara ya kuendelea kukua na kukubalika kwa kanisa hilo  duniani.

 

Katika mahubili yake padri Mangwangi alisisitiza kwa kila muumini kutoishi maisha ya kisuria bali waishi maisha ya  ndoa yenye kumpemdeza mungu  na kwamba aliyewaunganisha mungu binadamu asiwatenganishe 

 

𝙿𝚊𝚍𝚛𝚒 ,alitoa miezi mitatu kwa kila Bi harusi aliyefunga ndoa leo kanisani hapo kuhakikisha ananasa  Ujauzito na baada ya muda huo anataka kushuhudia agano hilo kanisani. 

Kwa kuonesha padri hatanii aliwataka wanandoa wa kike kushika kipaza sauti na kumtamkia mume wake akiwa amemkumbatia  kwamba, atamzalia watoto bila kukoma  hadi mayai ya uzazi yatakapoisha.

"Mume wangu ... nipo tayari kukuzalia hadi mayai ya uzazi yaishe"ni moja ya agano la wanandoa hao wakitamka kanisani.

Alisisitiza kwa wanandoa hao kuishi maisha mema ya kumcha mungu na kuwa na hofu ya mungu, kuwa watii kwa kila mwenza na kushirikiana kwa kila jambo.

Alisema siri ya kanisa hilo  kufungisha idadi kubwa ya ndoa mara kwa mara ikitanguliwa na ndoa 53 zilizofungwa  agosti mwaka huu 2023,alisema ni kutokana na ukaribu wa mapadri na waumini wake na kutaka kujua changamoto za waumini wao,uwazi wa mapato ya kanisa pamoja na kutekeleza kwa vitendo maelekezo ya viongozi wao.

Naye  padri wakili,Damian Ndege ambaye alishiriki kubatiza watoto ,alisema sherehe za kuzaliwa yesu kristu zimeenda sanjari na kubatiza watoto wapatao 72 ikiwa ni sehemu ya kukua kwa imani ya kanisa katoliki. 

Aliwasisitiza wazazi kuwalea watoto hao katika misingi ya imani ya kikristu ili kuwaepusha na matendo maovu yasiyompendeza mungu.

𝓔𝓷𝓭𝓼𝓮