KIWANDA CHA MAZIWA CHA KILIMANJARO FRESH CHASHINDA TUZO YA MAZIWA BORA

Na Joseph Ngilisho ARUSHA 

Kiwanda cha Kuzalisha Maziwa ya Kilimanjaro Fresh kupitia kampuni yake ya Galaxy Food and Beverage Limited ya jijini Arusha kimeibuka mshindi wa kutoa maziwa bora nchini na kutunukiwa tuzo ikiwa ni sehemu ya kutambua mchango wake katika kuhudumia afya za walaji nchini.

Mkurugeni wa Kampuni hiyo Virjee Saqalain alishukuru ushindi huo na kusema kuwa umempa ari zaidi ya kuimarisha shughuli zake ili kuwafikia wateja wengi zaidi nchini.

Aidha aliwataka wafugaji kutumia fursa ya uwepo wa kiwanda hicho kuzalisha maziwa kwa wingi na kuuza kiwandani hapo ili kujiongezea kipato na kunufaika na mifugo yao.

Virjee alisema kuwa kiwanda hicho kimekuwa mkombozi kwa mkulima na wafugaji wa Mkoa wa Arusha na maeneo ya pembezoni kwa kununua bidhaa hiyo na kimeleta tija kwa kupandisha thamani ya maziwa ambapo hapo awali wafugaji walikuwa hawana soko la uhakika.

"Wateja wa bidhaa za maziwa wamechagua kampuni yetu ya Galaxy Food and Beverage Limited kama kichakataji kinachopendelewa zaidi mwaka huu ndio maana tumepata ushindi,Niwaombe wafugaji kuuza maziwa kwetu kupitia vituo vyetu ama kiwanda chetu kilichopo Ungalimited "

Kampuni hiyo inatengeneza na kusambaza bidhaa mbalimbali za maziwa kwa jina la Kilimanjaro Fresh kwa masoko ya ndani ,katika mikoa ya Arusha Singida,Babati,Manyara ,Shinyanga ,Mwanza na ina bohari Dodoma, Mwanza na Dar es Salaam.

"Kulikuwa na makampuni mawili ambayo yalishindana katika kitengo cha (maziwa). Tuliibuka washindi," alisema Saqalain  Virjee, mkurugenzi wa kampuni hiyo.

Shindano hilo liliandaliwa jijini Dar es Salaam hivi karibuni na Consumer Choice Award Africa (CCAA), taasisi ya jijini Dar iliyoanzishwa na Diana Laizer.

CCAA huandaa hafla hiyo kila mwaka ili kuwatambua na kuwatunuku watoa huduma bora nchini kupitia mfumo wa upigaji kura wa watumiaji.

Shindano hilo lililoanzishwa mwaka wa 2019, limewawezesha watumiaji kutambua na kuchagua bidhaa bora zaidi.

Virjee alisema baada ya kushinda , kampuni hiyo imekuwa na ari kubwa  ya kuboresha huduma na ubora wa bidhaa zake ili kuwafikia walaji wengi zaidi nchini ikiwemo kuongez uzalishaji wa bidhaa za maziwa na kupanua shughuli zake nchini kote.

Hivi sasa kampuni inazalisha lita 25,000 za maziwa kwa siku, muhimu miongoni mwao ikiwa ni maziwa ya UHT yanayosindikwa kupitia matibabu ya joto kali.

Kando na maziwa mapya, bidhaa nyingine za maziwa zinazozalishwa katika mmea wa miaka mitano ni mtindi, jibini na samli.

Galaxy Food and Beverage Limited, kampuni ya maziwa inayomilikiwa nchini, ilianza uzalishaji mnamo Februari 2018 ,ikiwa na wafanyikazi 12 tu, ikizalisha lita 5,000 za maziwa kwa siku.

Alisema kwa sasa ina wafanyakazi zaidi ya 100 wanaozalisha lita 25,000. Mipango inaendelea ya kuongeza uzalishaji hadi lita 35,000.

Sehemu kubwa ya maziwa hayo mapya yanatokana na vituo vya kukusanyia maziwa vinavyoendeshwa na wafugaji wadogo katika mikoa ya Arusha na Kilimanjaro.

Virjee alisema pamoja na kwamba bidhaa za Kilimanjaro Fresh kwa sasa zinauzwa Tanzania pekee, kampuni hiyo inakusudia kuwa na uwepo wa kikanda kwa kusambaa katika mataifa mengine ya ukanda huo.

Katika hatua nyingine waziri wa Mifugo na uvuvi Abdallah Ulega alipotembelea kiwanda mama cha Nyama cha Eliya Food Overseas Ltd ,aliwashauri wafugaji kutumia fursa ya viwanda hivyo kuchukua mkopo wa fedha kwenye benki ambazo zimekuwa tayari kuwakopesha wafugaji ili kuuza mifugo yao na mazao ya mifugo kwenye viwanda hivyo.

Ends...