BY NGILISHO TV
Mfanyakazi wa Mamlaka ya Mapato (TRA) Mkoa wa Arusha, Richard Walalaze (35) amekutwa amefariki baada ya kujirusha kutoka ghorofani jijini Tanga.
Akithibitisha tukio hilo Kamanda wa Polisi Mkoa wa Tanga, Henry Mwaibambe amesema kuwa mfanyakazi huyo amejirusha kutoka ghorofa ya pili ya Hoteli ya Ocean Breez jijini Tanga alikokuwa amepanga chumba tangu Julai 16 mwaka huu.
Taarifa zimedai kuwa Richard alikuwa miongoni mwa watumishi wa TRA waliokuwa jijini Tanga kwa kazi maalumu ya kuandaa taarifa ya Mamlaka hiyo ya mwaka.
Naye meneja wa TRA Mkoa wa Arusha, Eva Rafael alithibitisha kuwa Rafaeli Alikuwa mfanyakazi wa Mamlaka hiyo tawi la Arusha na alienda Tanga na wenzake kwenye kazi maalumu ya kiofisi.
Akiongea wakati akiwa njiani kuelekea mkoani Tanga kwenye Tukio hilo alisema kuwa alipata taarifa juu ya kifo cha Rafaeli jambo lililowashtua kwa kuwa mwili wa marehemu ulikutwa chini ya gorofa hilo.
"Hatujui kama marehemu alijirusha gorofani au alitupwa ndio maana naelekea huko ili nipate taarifa kamili"
0 Comments