CHINI YA KAPETI, UTEUZI WA SAIPULANI,WAIGUSA WENGI,SOMA HAPA,GAMBO AJIPANGE

Na Joseph Ngilisho, Arusha

'Mungu hamtupi mja-wake' ni kama anasema kijana Saipulani Ramsey aliyeteuliwa jana kuwa katibu wa itikadi na uendezi CCM Mkoa wa Arusha,huku aliyekuwa ameshikilia kiti hicho Gerald Munisi akitupwa nje.

RAMSEY ambaye katika chaguzi  za ndani zilizopita aliwania nafasi mbalimbali na baadhi kukosa lakini hakukata tamaa,hatimaye amenyakua nafasi ya juu ya chama hicho mkoani hapa, na wanaomfahamu wamesema upele umepata mkunaji na alicheleweshwa nafasi hiyo.

Uteuzi huo uliofanywa jana umenogeza uongozi wa ccm mkoani Arusha na  unamwongezea morari ya uongozi na hatimaye kufika anakotaka ,ambapo pamoja  na mambo mengine Ramsey anatajwa kuja kuzikabili siasa  za mlengo mmoja za mbunge wa Arusha mjini,Mrisho Gambo ambaye anatajwa kutokukubaliana na siasa za uongozi wa ccm mkoani hapa na kujikita kuwekeza kwa machinga,bodaboda na akina mama wauza uji ,akiamini hao ndio wapiga kura pekee.