Na Joseph Ngilisho SIMANJIRO
Basi la kampuni ya Zacharia lilikuwa linasafirisha abiria kutoka Arusha kwenda Kiteto mkoani Manyara limegonga na kuua ng’ombe 39 na kujeruhi wengine watano, huku abiria wakinusurika.
Akizungumza jana Jumanne Aprili 25, 2023, Kamanda wa Jeshi la Polisi Mkoa wa Manyara, RPC George Katabazi amesema ajali hiyo imetokea Aprili 24, 2023 eneo la Orkesmeti wilayani Simanjiro.
"Ajali hii ilitokea Aprili 24, 2023 huko Kijiji cha Orkesmeti wilayani Simanjiro asubuhi, baada basi aina ya Scania namba T 340 AGN lililokuwa likitokea Arusha kuelekea Kiteto kugonga ng'ombe 39 na kufa papo hapo, huku ng’ombe watano wengine wakijeruhiwa," amesema.
Ends...
0 Comments