Mfanyabiashara ,Cuthbert Temba (pichani) anayemiliki CET GARDEN iliyopo kwa mrefu barabara kuu ya Moshi Arusha ,amefariki dunia yeye na dereva wake wakitoka kwenye maziko Old Moshi Mkoani Kilimanjaro .
Wengine waliokumbwa na ajali hiyo ni pamoja na mfanyabiashara maarufu, Mekline Temu maarufu kwa jina la DENSO na Ngarasoni ambao wapo mahututi hosputalini wakipatiwa matibabu.
Wakati huo huo tajiri mmoja mkazi wa Ngaramtoni, Arusha aliyejulikana kwa jina moja la Gidioni amejinyonga hadi kufa nyumbani kwake majira ya saa kumi na moja alfajiri.
Tajiri huyo mwenye maduka ya hardware na nyumba kalikali za kupangisha katika mji huo wa Ngaramtoni ameamua kukatiza uhai wake bila mtu yeyote kujua tatizo lililomsibu na hakuacha ujumbe wowote.
Vyanzo vya uhakika vinaeleza kuwa kifo hicho kimekuja ikiwa ni miezi michache tangu mke wa tajiri huyo kufariki katika mazingira ya utata.
Aidha, inaelezwa kuwa Gidion ambaye alikuwa bado ni kijana wa makamo alipata utajiri mkubwa ndani ya muda mfupi baada ya awali kuwa na maisha ya kawaida.
0 Comments