RAIS RUTO WA KENYA KUTUA NCHINI RASMI

BY NGILISHO TV, Dar es Salaam.

 Rais wa Kenya, William Ruto kesho ataanza ziara ya siku mbili nchini, ikiwa ni ziara yake ya kwanza katika nchi ya Afrika Mashariki tangu alipoapishwa Septemba 13, kuwa Rais wa tano wa nchi hiyo.

Tangu alipoapishwa, Rais Ruto ametembelea nchi tatu tofauti, ikiwamo Uingereza alikokwenda kuhudhuria maziko ya Malkia Elizabeth II, Marekani kuhudhuria mkutano mkuu wa Umoja wa Mataifa na jirani zake wa Ethiopia.

Ziara ya kiongozi huyo imekuja wakati yeye na Rais Samia Suluhu Hassan wakiahidi kuendelea kushirikiana kuleta maendeleo ya kijamii na kiuchumi kwa wananchi wao na Afrika Mashariki kwa ujumla.